भांगरभूंय | प्रतिनिधी
खबरां संस्था
बार्बाडोसः वेस्ट इंडिज भोंवडेर आशिल्लो भारतीय क्रिकेट पंगड बार्बाडोसांतल्या सराव मॅची उपरांत दोन टॅस्टींची माळे खातीर डॉमिनिकांत दाखल जाला. 12 जुलयच्यान विंडसर पार्क स्टेडियमाचेर पयली टॅस्ट मॅच जातली. ही टॅस्ट माळ संवसारीक टॅस्ट चॅम्पियनशीपचो वांटो आसतली.
वेस्ट इंडिज भोंवडेर भारतीय पंगड 1 जुलयाक बार्बाडोोसाक आयिल्लो थंय तांणी सराव केलो आनी आता टॅस्टीची सुवात आशिल्ल्या डॉमिनकाक पावला. भारतीय पंगडान काळे ट्रेनिंग जर्सींत सराव केलो. पयली टॅस्ट 12 जुलयाक आनी दुसरी टॅस्ट 20 जुलयच्यान सुरू जातली. टॅस्ट माळे उपरांत 27 जुलय सावन वन-डे माळ सुरू जातली. पयलीं वन-डे 27 जुलयाक, दुसरी 29 जुलयाक आनी निमाणी 1 ऑगस्टाक जातली. ते उपरांत टी-20 माळेक सुरवात जातली. भारतीय वेळा प्रमाण सांजे 7.30 वराचेर टॅस्ट मॅच सुरू जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
