भांगरभूंय | प्रतिनिधी
खबरां संस्था
ढाकाः बांगलादेशाचो क्रिकेट खेळगडो तामीम इक्बालान फाटल्या बिरेस्ताराक आंतरराष्ट्रीय क्रिकेटींतल्यान निवृत्ती जाहीर केल्ली. मात एक दिसा उपरांत ताणे यू-टर्न घेवंन निवृत्ती फाटीं घेवपाचें थारायलां. बांगलादेशाची पंतप्रधान शेख हसिना हांचे मध्यस्ती उपरांत तामीमान व्हो निर्णय घेतला.
तामीमान शेख हसिना हांचीं पंतप्रधानाच्या घरांत भेट घेतली. ह्या वेळार तामीमाची घरकान्न आयशा. आदलो कॅप्ठन मशरफी मुर्तझा आनी बांगलादेश क्रिकेट बोर्डाचो अध्यक्ष नजमुल हसन हाजीर आशिल्ले. नजमुल हसनान हांणी तमीन निवृत्ती सोडून परत खेळटलो अशें पत्रकारांक सांगले. नजमुल हसना वांगडा जाल्ल्या वादाक लागून तामीमान निवृत्त जावपाचें थारायल्लें अशें सांगताले.
पंतप्रधान शेख हसिना हांणी तमीम इक्बालाची भेट घेवंन ताचे भलायकेची चवकशी केली. तशेंच निवृत्ती फाटीं घेवपाची विनवणी केली. वन-डे संवसारीक सर्तींत बांगलादेशाचो पंडत तूं नासल्यार कसो कमकुवत जातलो अशें तिणे सांगलें. पंतप्रधनाची विनवणी इक्बाल भायरावपाक शकलो ना. पंतप्रधानां वांगडा बसका घेवंन आमी वादाचेर तोडगो काडला. तामीम स सप्तकांचो ब्रेक घेवन उपरांत पंगडांत येतलो अशें नजमुल हसनान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
