भांगरभूंय | प्रतिनिधी
खबरां संस्था
इस्लामाबादः भारतांत जावपी आयसीसी संवसारीक वन-डे क्रिकेट सर्तींत वाटेकार जावपाक पाकिस्तान पंगडाक भारतांत धाडप कांय ना हे विशीं निर्णय घेवपा खातीर पाकिस्तानाचो पंतप्रधान शाहबाज शरीफ हांणी एक उंचेल्या पावंड्या वयली एक समिती स्थापन केल्या. परराष्ट्र मंत्री बिलावल भुट्टो समितीचे अध्यक्ष आसात.
आयसीसी वन-डे संवसारीक सर्त अंदू भारतांत जातली. उंचेल्या पावंड्या वयली ही समिती भारत- पाकिस्तान संबंदाच्या सगळ्या गजालींचेर चर्चा करतली. खेळ आनी राजकारण कुशीक दवोरपाचें सरकाराचें धोरण आनी खेळगडे, अधिकारी. बरें मागपी आनी प्रसार माध्यमांन भारतांतली परिस्थितीचेर शरीप हांक शिफारशी सादर करचे पयलीं तांचे कडेन चर्चा करतली.
पंतप्रधान शरीफ पाकिस्तान क्रिकेट बोर्डाचे (पीसीबी) संरक्षक लेगीत आसात. आयसीसी आनी बीसीसीआयन संवसारीक सर्तीचें वेळापत्रक पयलींच जाहीर केलां. 5 ऑक्टोबरच्यान सुरू जावपी हे सर्तीं खातीर पाकिस्तानाचो पंगड भारत भोंवडेर येतलो असो तांकां विस्वास आसा. मात पीसीबीन तांकां सांगलां कीं संवसारीक सर्तीत वांटेकार जावपाचें पाकिस्तान पंगडाचे सगलें कितें दोनूय देशां मदले तणावाच्या संबंदांक लागून सरकारान मंजुरी दिल्यारूच पंगड भारतात वतलो.
उंचेल्या पांवड्या वयले समितींत खेळा मंत्री अहसा मजारी, मरियम औरंगजेब, असद महमूद, अमीन-उल-हक, कमर जमान कैरा आनी आदले राजनैतिक अधिकारी तारिक फात्मी हांचो आसपाव आसा. पाकिस्तानाच्यो मॅची आशिल्ल्या सुवांतांची समिती पळोवणी करतली.
मजगती पीसीबीचे कार्यकारी अध्यक्ष झफा अश्रफ आनी मुख्य कार्यकारी अधिकारी सलमान तासीर आयसीसीचे बसकेंत हाजीर रावपा खातीर डर्बनाक वतले. हे बसकेंत अश्रफ सुरक्षेचें कारण सांगून भारतान आपलो पंगड पाकिस्तानांत धाडपाक न्हयकार दिल्लो तो मुद्दो काडपाक शकता. भारत आनी पाकिस्तानां मदली मॅच 15 ऑक्टोबराक अहमदाबादच्या नरेंद्र मोदी स्टेडियमाचेर जातली.
मजगतीं, भारतान आशिया कप मॅच न्यूट्रल सुवातेर खेळोवपाची जी मागणी केल्ल्या तो सोडची ना जाल्यार आमी वन-डे संवसारीक सर्तीत खेळपाक भारतांत वच्चे नात अशें पाकिस्तानाचो खेळा मंत्री एहसान मजारीन सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
