भांगरभूंय | प्रतिनिधी
भांगरभूंय । प्रतिनिधी
बोरयेः सम्राट क्लब इंटरनॅशनल आनी कला आनी संस्कृती खात्यान आयोजीत केल्ले वर्सुकी सम्राट संगीत सितारा सर्तीचे उपांत्य फेरये खातीर 13 सर्तक पात्र थारल्यात. 16 जुलयाक पाटो-पणजे हांगच्या कला आनी संस्कृती भवनाच्या मल्टिपर्पज सभाघरांत हे सर्तीची निमणी फेरी जातली.
अवि परवार,श्रृती सालेलकार,ओंकार च्यारी, सुरज शेटगांवकार, दत्तराज च्यारी, नम्रता जोशी, हंसिका नायक, गुंजन नायक, शिवम रायकार, तेजस वेर्णेकार, अर्चना कामुलकार, स्वेता कुंभार, सारा दलाल, यदुनाथ शिरोडकार हे सर्तक उपांत्य फेरयेंत वांटो घेतले.
माशेल आनी बोरये हांगचे मुळावे फेरयेंत वट्ट 32 सर्तकांनी वांटो घेतिल्लो. मुखेल परिक्षक म्हणून धर्मानंद गोलतकार, दत्तराज सुर्लकर आनी नम्रता पराडकर हांणी काम पळयल्लें. बोरयेच्या केंद्रांत नवदुर्गा संस्थानाचो अध्यक्ष श्याम प्रभुदेसाय, परिक्षक तशेंच सर्तकांक वाद्यवृन्द साथ करपी कलाकारांचो भोवमान करून तांकां यादस्तिकां भेटयली.
सम्राट सिताराचो अध्यक्ष प्रसाद नायक हाणे उपांत्य फेरी आनी निमणे फेरयेची म्हायती दिली. निमणे फेरयेक म्हागुरू म्हणून नामनेचो गायक अजीत कडकडे हाजीर रावतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
