भांगरभूंय | प्रतिनिधी
भांगरभूंय । प्रतिनिधी
पेडणेः दुबय जाल्ले मीस इंडिया कॉस्मिक युनिव्हर्स जैतिवंत थारल्ल्या साची सावंत हाणे गोंय सयत भारतांचें नांव वयर काडला. सगल्या गोंयकारांक ताचो अभिमान आसा अशें मांद्रेचो आमदार जीत आरोलकार हाणे ताका मोपा विमानतळार शुक्राराक ताका येवकार दितना सांगलें.
साचीन दुबयचे हे सर्तींत फोटशूट, रॅम्प वॉक तशेंच प्रश्नोत्तराचे फेरयेंत आपली चमक दाखयली. परिक्षकांनी ताका जर तुका तुज्या भुतकाळांतले जिणेंतले जिणेतल्यो काय गजाली बदलच्यो अशें दिसल्यार तूं कितें बदलतलें असो प्रश्न विचारल्लो. ताका जाप दितना तांणे सांगलें की, जर भुतकाळांतली खंयची गजाल हांव बदलचें ना. कारण तांचे पसून म्हाका जो अणभव मेळ्ळो तांतूंतल्यान म्हजी जीण समृद्ध जाली. तातूंतल्यान हांव खूब कितें शिकलें. आव्हानांक तोंड दिवपाक जाय ना जाल्यार तातूंतल्यान कितें तरी शिकपाक जाय अशी अशी जाप ताणे दिली आनी परिक्षकांक ती आवडली.
आपणे दुबयचे सर्तींत येस मेळयलें. सर्तींत वांटो घेवपाचें बळगें आवय-बापूय, आमदार जीत आरोलकार, प्रवीण आर्लेकार, मांद्रेचो सरपंच अमीत सावंत हांका लागून आपल्याक मेळ्ळें अशें साचीन सांगलें. साची सध्या मॉडलींग मळाव वावुरता. प्रिन्सेस ऑफ गोवा, लिटल मीस इंडिया, रनर मीस टीन गोवा, मिस गार्जियस, मिस रॉयल, महाराष्ट्र फॅशन मॉडेल इंडिया, मिस टीम इंडिया ह्या सर्तींनी तिणे इनामां मेळयल्यांत. भरत नाट्यम हातूंत तें पारंगत आस. अखील भारत नाच सर्तींत ताणे भांगरा पदक मेळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
