भांगरभूंय | प्रतिनिधी
मडगांवच्या श्री दामोदर उच्च माध्यमिकाच्या पंगडान चलयांचे विभाग III आंतर उच्च माध्यमीक बुद्दीबळ सर्तीचें वस्तादपण जोडलें. खेळां आनी युवा वेव्हार संचालनालयान फातोड्डेंच्या इन्डोर स्टेडियमांत सर्तीचें आयोजन केल्लें.
20 उच्च माध्यमिकांनी सर्तींत वांटो घेतिल्लो. नावेलीच्या रोझरी उच्च माध्यमिकाच्या पंगडाक दुसरी सुवात फावो जाली, जाल्यार फोंडेंच्या जीव्हीएम उच्च माध्यमीक हायस्कुलाक तिसरे सुवातेर समाधान मानचें पडलें.
दामोदर उच्च माध्यमिकाच्या पंगडांत एेश्वर्या नायक, सान्वी नायक गांवकार, आश्ववी देसाय आनी वृतिका नायक गांवकार हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
