भांगरभूंय | प्रतिनिधी
14 वर्सां पिराये सकयले चलयांच्या गटांत मिरामारच्या शारदा मंदीर हायस्कुलान जाल्यार जाल्यार मिरामारच्या यूथ हॉस्टेलांत जाल्ले तिसवाडी तालुको मिन-सेकंडरी हायस्कूल बुद्दीबळ सर्तींत दोनापावलाच्या अवर लेडी ऑफ रोझरी हायस्कुलान 17 वर्सां पिराये सकयले चलयांच्या गटांत वस्तादपण जोडलें.
खेळां आनी युवा संचालनालया वतीन सर्तीचें आयोजन केल्लें. 14 वर्सां पिराये सकयले चलयांच्या गटांत मिरामारच्या शारदा मंदीर हायस्कुलान आठांतले आठ गूण मेळयत पयली सुवात मेळयली. दोनापावलच्या अवर लेडी ऑफ रोझरी हायस्कुलान आठांतले स गूण मेळयत दुसरी सुवात मेळयली. जाल्यार बांबळीच्या डॉ. के बी हेडगेवार हायस्कुलान आठांतले पांच गूण मेळयत तिसरी सुवात मेळयली.
दुसरे वटेन 17 वर्सां पिराये सकयले चलयांच्या गटांत दोनापावलाच्या रोझरी हायस्कुलाच्या अवर लेडीन अपवादात्मक प्रतिभा दाखयत आठांतले आठ गूण मेळयत वस्तादपण जोडलें. पणजीच्या पिपल्स हायस्कुलान स गुणां सयत दुसरी आनी मिरामराच्या शारदा मंदीर हायस्कुलान पांच गुणां सयत तिसरी सुवात मेळयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
