भांगरभूंय | प्रतिनिधी
खबरां संस्था
कराचीः भारतांत ऑक्टोबर- नोव्हेंबरांत जावपी वन-डे वर्ल्ल कप क्रिकेट सर्तींतल्या केंद्राची सुरक्षेचे नदरेन पळोवणी करपा खातीर पाकिस्ताना वतीन भारतांत एक पंगड धाडटले. सुरक्षेची खात्री पटले उपरांत पाकिस्तान सरकारार तांच्या पंगडाक हे सर्तींत खेळपा खातीर परवानगी दितलें.
ईदाचे सुटये उपरांत पाकिस्तान क्रिकेट मंडळाच्या (पीसीबी) नव्या अध्यक्षाची निवड करतले. ते उपरांत वन-डे वर्ल्ड कपाचे मॅची ज्या स्टेडियमांत जातल्यो थंयचे सुरक्षेचो नियाळ पाकिस्तानी सुरक्षा पंगड घेतलो. मात व्हो पंगड केन्ना धाडपाचो हाचो निर्णय ताचें सरकारा सयत परराष्ट्र आनी घर मंत्रालय घेतलें अशें एका सूत्रान सांगलें.
पाकिस्तानी पंगड अहमदाबाद, चेन्नय, बंगळुरू, हैदराबाद आनी कोलकाता केंद्रांची पळोवणी कतलो. भारत आनी पाकिस्तान ह्या पारंपरिक प्रतिस्पर्ध्यां मदीं 15 ऑक्टोबराक अहमदाबाद हांगच्या 1 लाख 32 हजार सिटां आशिल्ल्या नरेंद्र मोदी स्टेडियमाचेर मॅच जातली. भारतांत पंगड धाडचे पयलीं पीसीबीक थंयच्या सरकारा कडल्यान परवागगी घेवची लागता. सरकारा वतीन सुरक्षेचो नियाळ घेतल्या उपरांत भारतांत पंगडाक धाडटले. ही सदची प्रक्रिया आसा, अशें सूत्रांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
