भांगरभूंय | प्रतिनिधी
मडगांवच्या मनोविकास इंग्लीश हायस्कुलान 17 वर्सां पिराये सकयली सालसेत तालुको बुद्दीबळ सर्त जिखली. खेळां आनी युवा वेव्हार संचालनालयान फातोड्डेंच्या इन्डोर स्टेडियमाचेर आयोजीत केल्ली. निमाणे फेरयेंत मनोविकास हायस्कुलान विद्या विकास अकादमीक 4-0 गूण फरकांनी हारयली.
दुसरी सुवात सां जुझे दी आरियलच्या किंग्स हायक्लुका फावो जाली. ताचे 12 गूण जाले. तिसरी आनी आनी चवथी सुवात वळेरेन महिला नुतन इंग्लीश हायस्कूल आनी भाटीकार मॉडेल इंग्लीश हायस्कुलाक फावो जाली.
मनोविकास इंग्लीश हायस्कुलाच्या पंगडांत साई शिरोडकार, कविश बोरकार, अर्णव कामत, साईराज वेर्णेंकार आनी विन्सेंट फर्नांडीस हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
