भांगरभूंय | प्रतिनिधी
भांगरभूंय । प्रतिनिधी
काणकोणः आदर्श युवा संघाचो अध्यक्ष आनी गोंय विधानसभेचो सभापती रमेश तवडकार हाचे येजमानके खाला लोकोत्सव 2023चें आयोजन करपा संबंधी हालींच श्रीस्थळ हांगच्या विसोव घरांत बसका जाली. व्हो लोकोत्सव राष्ट्रीय पांवड्यार व्हरपाचे नदरेन बसकेंत चर्चा जाली. अंदूचो लोकत्सव 8, 9 आनी 10 डिसेंबराक जातलो.
गांवगिऱ्या वाठारांतले लोक संस्कृतीचें संवर्धन कशे तरेन करपाक मेळटले, गांवांतल्या लोकां खातीर रोजगार निर्मणी कशे तरेन जावपाक शकतली हे खातीर तवडकारान मार्गदर्शन केलें. पारंपरिक लोक संस्कृती, खेळ, खावाचे जिनस, वखदां आनी, हातकला हाचो लोकोत्सवांत आसपाव करपा विशीं चर्चा जाली.
अंदूच्या लोकोत्सवा खातीर 15 तें 20 राज्यांक आमंत्रण दिवपाचें थारलां. बसकेक युवक संघाचो सचीव अशोक गांवकार, जोड सचीव जानू तवडकार, भांडारी दामोदर वेळीप आनी हेर वांगडी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
