भांगरभूंय | प्रतिनिधी
विमान येरादारी इतिहासांतली ही सगळ्यांत व्हडली आॅर्डर. भारताची विमान येरादारी कंपनी इंडिगोन नवो इतिहास तयार केलो. इंडिगो कंपनीन 500 ए 320 विमानांची आॅर्डर दिल्या. इंडिगो ही सगळ्यांत व्हडली विमान खरेदी करपी कंपनी थारली. मार्चांत टाटा ग्रुपाच्या मालकीच्या एअर इंडियान 470 विमानां विकतीं घेवपाची कबलात केल्ली. आतां हो विक्रम इंडिगोन मोडला.
मेळिल्ले म्हायती प्रमाण, इंडिगोच्या मंडळान 50 अब्ज रुपया मोलाचीं विमानां विकतीं घेवपाक मान्यताय दिल्या. ह्या निर्णयाक लागून फुडल्या दशका खातीर विमान कंपनींक नव्या विमानांची अखंड पुरवण जातली. भारताच्या देशी बाजारांत सध्या इंडिगोचो 60 टक्क्यां परस चड वांटो आसा. इंडिगो कंपनीन 2030 मेरेन 100 विमानां निवृत्त करपाची तयारी केल्या.
फाटल्या तीन म्हयन्यांत इंडिगो एअरलायन्साच्या शॅर दरांत 30 टक्क्यां परस चड वाड जाल्या. ते खातीर कंपनीचो वाटो दर शॅराक 2426 रुपया जाला. ह्या काळांत कंपनीचें बाजार मोल सुमार 94 हजार कोटी रुपया मेरेन वाडलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
