भांगरभूंय | प्रतिनिधी
भांगरभूंय । प्रतिनिधी
म्हापशेंः वेर्ला- काणका ग्रामपंचायतीच्या सरपंचपदार आरती च्यारी हिची मंगळारा बिनविरोध केली. विरोधी पंगडान वेंचणूक प्रक्रियेचेर बहिश्कार घातलो. दीपाली बिचोलकार हिका अविश्वास थाराव पास करून सरपंचपदा वयल्यान काडून उडयल्ल्यान फाटल्या 15 दिसां सावन हें पद रिकामें आशिल्लें.
सरपंच वेंचून काडपा खातीर मंगळारा पंचायत मंडळाची विशेश बसका जाली. ह्या वेळार उपसरपंच दिगंबर कळंगुटकार, आरची च्यारी,मोहन दाभाळे, वासुदेव कोरगांवकार, अशोक आर्लेकार हे पंच वांगडी हाजीर आशिल्ले. दीपाली बिचोलकार, सागर लिंगुडकार, निकोल मार्किस आनी विश्वास आर्लेकार हांणी बसकेचेर बहिश्कार घातलो.
सरपंचपदा खातीर आरती च्यारी हिचोच उमेदवारी अर्ज आयिल्ल्यान निर्वाचन अधिकाऱ्यांनी तिची बिनविरोध निवड जाल्ल्याचें जाहीर केलें. वेर्ला- काणका पंचायतीचें सरपंचपद बायलां खातीर राखीव आसा. सत्ताधारी पंगडांत आरती च्यारी ही एकसुरी बायल पंच आशिल्ल्यान तिची निवड वेंचणूक प्रक्रिये पयलींच निश्चीत जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
