भांगरभूंय | प्रतिनिधी
भांगरभूंय । प्रतिनिधी
दिवचलः शणै गोंयबाब हाचे 146वे जयंती निमतान दिलचलच्या कोंकणी सेवा केंद्रान आयोजीत केल्ले 11वे प्रश्न मंजुषा सर्तींत दिवचलच्या शांतादुर्गा हायक सेकंडरीन स्कुलाच्या पंगडान जैत मेळयलें. गोंय समजून घेतना हाचेर ही सर्त आशिल्ली. साखळेच्या सेंट जॉन क्रॉस हायस्कूल पंगडान दुसरी सुवात, मयेंच्या विजयानंद हायर सेकंडरीन तिसरें, शांतादुर्गा हायस्कूल, दिवचल आनी ज्ञानप्रसारक मंडळ हायर सेकंडरी- मुळगांव हांका दरेकी चवथें आनी पांचवी सुवात फावो जाली
क्वीज मास्टर म्हणून डॉ प्रवीण सावंत हाणे काम केलें. ताणे गोंय, कला, संस्कृती, पर्यावरण, साहित्य, खेळ आनी वास्तू हे विशीं प्रश्न विचारले. ताका समिक्षा शिरोडकार, राजन उसपकार, श्याम फातर्पेकार आनी रघुदास तारी हांणी मजत केली. सर्तीक आयिल्ल्या लोकां खातीर कांय प्रश्न आशिल्ले.
गोंय शालांत मंडळाचे अध्यक्ष भगिरथ शेट्ये हाचें हस्तुकीं इनाम भेटवण कार्यावळ जाली. ह्या वेळार दिवचल कोंकणी सेवा केंद्राचो अध्यक्ष रुपेश ठाणेकार, उपाध्यक्ष विनायक गोवेकार, साखळेचो राजन शेट्ये, वनश्री चोडणकार माचयेर आशिल्ली. हेच कार्यावळीक जोडून धावी आनी बारावेचे परिक्षेंत कोंकणी विशयात चड गुण मेळयल्ल्या विद्यार्थ्यांचो शेट्ये हाचें हस्तुकीं भोवमान केलो.
कार्यावळीचे सूत्रनिवेदन समिक्षा शिरोडकार आनी राजन उसपकारान केलें. विनायक गोवेकारान येवकार दिलो आनी प्रवीण सावंतान उपकार मानले. वट्ट हायस्कूल आनी हायर सेकंडरी मेळून वट्ट 8 पंगडानी प्रश्न मंजुषा सर्तींत वांटो घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
