भांगरभूंय | प्रतिनिधी
भांगरभूंय । खेळां मेज
पणजीः गोंय विद्या प्रसारक मंडळाच्या आल्मेदा हायस्कुलान 11वे एसआरएस फोंडें तालुको शालेय बुद्धिबळ सर्तींतलें आपलें वस्तादपण राखलें. वट्ट 9 गुणांनी हायस्कुलाचो पंगड परत एक फावट वस्ताद थारलो. मंगेशींच्या एसआरएस वैदीक मॅथेमेटिक्स अकादमीन फोंडें तालुको बुद्दिबळ असोसिएशनाच्या पालवान मंगेशींच्या वागेळे हायस्कूल सभाघऱांत ही सर्त आयोजीत केल्ली.
फोंडें तालुक्यांतल्या 18 शालेय पंगडानी सर्तींत वांटो घेतिल्लो. दरेक पंगडांत चार खेळगडे आशिल्ले. विद्या प्रसारक मंडळाच्या उत्कर्ष विद्या मंदिर आनी श्रीमती आयव्हीबीडी हायस्कुलान सर्तींत दुसरी आनी तिसरी सुवात मेळयली. हेडगेवार हायस्कूल आनी एमआयबीके हायस्कूल आनी विद्या प्रबोधिनी स्कूल आनी विद्या वृद्धी स्कुलान दरेकी चवथी, पांचवी आनी सवी सुवात मेळयली.
वैदीक मॅथेमेटिक्स अकादमीचे संस्थापक आनी फोंडें बुद्दिबळ असोसिएशनाचो अध्यक्ष सागर साकार्डेकार, अमोग नमशीकार, आनंद कुट्टीकार, मिताषा आयगल आनी संदेश नायक हांचे हस्तुकीं इनामां भेटयलीं. सर्तींत स्वस्तिक विद्यालय, प्रियोळ, सुरश्री केसरबाय केरकार हायस्कूल, केरी, श्री महालक्ष्मी इंग्लिश हायस्कूल, इंटरनॅशनल सद्गगुरू गुरूकुलम, शिक्षा सदन, व्हीडी आनी एसव्ही हायस्कूल, वागळे हायस्कूल, जामिया मकबुलिया स्कूल, आरपीआरएस स्कूल, दादा वैद हायस्कूल, गणनाथ हायस्कूल, गुरुकुल अकादमी आनी आनंदीबाय नायक हायस्कूल पंगडांनी वांटो घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
