भांगरभूंय | प्रतिनिधी
खबरां संस्था
ट्युनीसः सुतिर्था मुखर्जी आनी आयहिका मुखर्जी हे भारतीय जोडयेन ट्युनिशियांतल्या ट्युनीस हांका चलिल्ले डब्ल्यूटीटी कंटेडर टेबल टॅनीस सर्तीचे फायनलींत प्रवेश केलो. शेनवारा जाल्ले सेमी फायनलींत ताणी नंबर वन सिडेच शीन युबीन आनी जियोन जिही हे कोरियन जोडयेक 3-2 अशें हारयलें. तांणी 7-11, 11-9, 11-9, 7-11 आनी 11-9 अश्या सेटांनी ही लडत जिखली. टोट्टीचें फायनलींत तांकां मियु किहारा आनी मिवा हारिमोटो हे जपानी जोडये कडेन खेळचें पडटलें.
मिश्र दोट्टींतलें भारताच्या मनिका बत्रा आनी जी साथियान हांकां तशेंच मानव ठक्कर आनी मानुष शाह जोडयेक सेमी फायनलींत हार खावची पडली. बत्रा आनी साथियन जोडयेन उपांत्यपूर्व फेरयेंत सेड्रीक मिस्नर आनी युआन वान हे जर्मन जोडयेक 3-0 अशें हारयल्लें.
दादल्याचे एकोडेंत अचंता सरल कमल आनी साथियान पयलेच फेरयेंत सर्तींतल्यान भायर पडले. बायलाचें एकोडींत देखील भारताचें आव्हान सोपलें. अयहिका मुखर्जीक जपानाच्या मियू नागासाकीन 0-3 हारयलें. बत्रा, श्रीजा, अकुला आनी दिया चितळे हांका पयले फेरये उपरांत हार खावची पडली. दादल्याचे एकोडीन हरमीत देसायाक चीनाच्या लियांग यानिंगान प्री क्वार्टट फायनलींत 0-3 अशें हारयल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
