भांगरभूंय | प्रतिनिधी
पणजी: संवसारीक योग दिसा निमतान चिंबलाच्या युनियन मुळाव्या आनी माध्यमीक विद्यालयांत योग दीस व्हडा उमेदीन मनयलो. ह्या वेळार आयोजीत कार्यावळींत विद्यालयाच्या सगळ्या शिक्षकांनी तशें विद्यार्थ्यांनी व्हडा संख्येन वांटो घेतलो.
घटमूट शरीर आनी नितळ मना खातीर योग गरजेचें. सदांच योग केल्ल्यान शरीर निरोगी आनी मन शांत उरता, अशें योग शिक्षक हेमा मोहन चोपडेंकार आनी प्रसाद नायक हांणी सांगलें.
ह्या वेळार हेमा चोपडेंकार हांच्या मार्गदर्शना खाला योगसत्र घेतलें. विद्यालयाची मुख्यध्यापक निर्मला नायक हांणी योग दिसाचें म्हत्व सांगलें. तशेंच योग करपा खातीर उर्बा दिली.
कार्यावळीचें सुत्रसंचालन शिक्षक महादेव सलाम हांणी केलें. उपकार शिक्षक दिलीप वझे हांणी मानले. ही कार्यावळ येसस्वी करपाक शिक्षकांनी मेहनत घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
