भांगरभूंय | प्रतिनिधी
डॉ. चंद्रकांत शेट्ये: मेणकुरेंच्या शेतकारांक वाटलें सारें
दिवचल: शेतकी संस्कृतायेचें गिरेस्त दायज सांबाळून दवरिल्ल्या शेतकार कुटुंबांतले तरणाटे पिळगेनूय आधुनीक तंत्रांचो वापर करून, सरकारी येवजण्यांचो फायदो घेवन पांचवे क्रांतीचेर लक्ष केंद्रीत करचें अशें आमदार डॉ. चंद्रकांत शेट्ये हांणी स्पश्ट केलें.
मेणकुरेंच्या शेतकारांक आमदार डॉ. शेट्ये हांचे हस्तुकीं सारें वाटलें. ह्या वेळार
जिल्हो पंच वांगडी प्रदीप रेवोडकार, सरपंच गुरुदास परब, पंच कुमुदिनी नायक, संजना नायक, विश्वंभर नायक, उमेश शेट्ये, दिलीप धारगळकार, डॉ. दिनेश आमोणकार, देवस्थान अध्यक्ष अनंत परब, थळावे ग्रामस्थ, शेतकार हाजीर आशिल्ले.
मेणकुरें गांव हो शेतकारांचो गांव आशिल्ल्यान हांगचे लोक व्हडल्या पदांचेर आसात. पूण तांणी शेता कडेन आपलें नातें तशेंच घट्ट तिगोवन दवरलां. नवे पिळगेनूय हें दायज तिगोवन दवरचें अशें शेट्ये हांणी फुडें म्हणलें.
ह्या वेळार डॉ. आमोणकार, दिलीप धा रगळकार हांणी शिक्षा व्हिजनच्या कामाची म्हायती दिली.
सरपंच गुरुदास परब हांणी डॉ. शेट्ये हांच्या कामाची तोखणाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
