भांगरभूंय | प्रतिनिधी
भांगरभूंय । प्रतिनिधी
मडगांवः जीएसआयडीसी वतीन बांदतात त्या मडगांवच्या ठोक नुस्त्या मार्केटाचें 90 टक्के काम पुराय जालां. चार म्हयन्यांत पाख्याचें काम पुराय करून अंतर्गत काम करतले आनी फुडल्या स म्हयन्यात हें मार्केट सुरू करतले अशी म्हायती एसजीपीडीएचो अध्यक्ष आनी वास्कोचो आमदार कृष्णा साळकार हाणे दिली.
कांय नुस्तेमारी संघटनांनी केल्ले आरोप भायर मारतना तांणी पयशे एकठांय करून एसजीपीडीएक दर दिसा देड लाख रुपये दिवचें अशें ताणे सांगलां. एसजीपीएक दोन लाख रुपये मेळटात अशे जे कोण सांगतात. ताणी पयशे एकठांय करचे आमी तांका परवानगी दिवपाक तयार आसात अशें शुक्राराक पत्रकार परिशद घेवंन साळकारान सांगलें तशेंच मार्केटा संबंदीची म्हायती दिली. सोपो ठेकेदार नेमपाची प्रक्रिया सुरू केल्या अशी म्हायती ताणे दिली.
एसजीपीडीएक वतीन 50 लाख रुपया खर्च करून मार्केटाची दुरुस्ती करपाक जाता. मात विक्रेते दिसाक फकत 10 रुपये सोपो कर भरतात. तातूंत वाड करपाक ते विरोध करतात. 100 रुपया सोपो कर करपाचो आमचो विचार आसा. आमदार दिगंबर कामत आनी विजय सरदेसाय हाचे कडेन चर्चा करून सोपो प्रश्न सुटावो करतले अशें ताणे सांगलें. एसजीपीडीएच्या मार्केटा भायर बसून जे नुस्तें विकतात तांचेर आमी कारवाय करपाक शकनात. ती सुवात मडगांव पालिकेची आशिल्ल्यान पालिका मंडळ कारवाय करपाक शकता अशें साळकारान स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
