भांगरभूंय | प्रतिनिधी
गोंयच्या सिया सरोदे आना तानिया उसगांवकार हांणी जर्मनीच्या बर्लिन शारांत चालू आशिल्ले स्पेशल ऑलिम्पीक संवसारीक गिमाळ्या खेळां सर्तींत दोळे दिपकावपी प्रदर्शन केलें.
भाटी-सांगेंच्या सियान पावरलिफ्टिंगेंत दोन भांगरा पदकां सयत वट्ट चार पदकां जिखलीं. तिणें डॅड लिफ्ट आनी स्क्वॅट प्रकारांत भांगर पदक जाल्यार कंबायड प्रकारांत रुप्या पदक आनी बॅंच प्रेस प्रकारांत कांश्या पदक जिखलें.
समाजकल्याण खात्याचे मंत्री सुभाष फळदेसाय हांणी ही कामगिरी गोंय आनी भारता खातीर अभिमानाची आशिल्ल्याचें नमूद केलें. गोंयची अॅथलीट गीतांजली नागवेंकार हिणें मंगळारा भांगरा पदक जिखिल्लें. हे सर्तींत गोंयच्या 13 स्पेशल खेळगड्यांनी वांटो घेतला. सर्तींत भारताचे प्रतिनिधित्व करपी गोंयच्या खेळगड्यांनी आतां मेरेन तीन भांगरा पदकां, एक रुप्या पदक आनी दोन कांश्या पदकां जिखल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
