भांगरभूंय | प्रतिनिधी
भांगरभूंय । प्रतिनिधी
फोंडेंः गांवणे- बादोडें हांगा देड कोटी रुपये खर्च करून एक वर्स भरयां नवो शेत बांद बांदपाचें आस्वासन मडकयचो आमदार आनी वीज मंत्री सुदिन ढवळीकार हाणे ह्या वाठारांतल्या शेतकारांक दिलां. बांद फुटून खारें उदक शेतांत गेल्ल्यान लुकसाण जाल्ल्या 23 शेतकारांक माधवराव ढवळीकार ट्रस्टा वतीन अर्थीक मजतीचे चॅक दिवपाचे कार्यावळींत ते उलयताले. ट्रस्टा वतीन फुडल्या दोन वर्सांत अर्थीक मजत दितले अशें सांगतना विघ्नसंतोषी लोकां पसून सादूर रावपाचें आवाहन तांणे केलें.
ह्या वेळार गणेश मूर्ती कलाकारांक साचे तशेंच कृशी खात्या वतीन रोपांचे वितरण ढवळीकारान केलें. ह्या वेळार मिथील ढवळीकार, फोडेंचे रानां अधिकारी संतोष गांवकार, सरपंच सुखानंद कुर्पासकार, उपसरपंच चित्रा फडते, जिल्हो पंचायत वांगडी गणपत नायक आनी पंच वांगडी हाजीर आशिल्ले.
कोरोना म्हामारीक लागून बांद बांदपाची प्रक्रिया अडून पडिल्ली. उदका स्रोत मंत्री सुभाष शिरोडकारान कामाची निविदा काडल्या आनी बांद बांदून शेतकारांनी लागवण करची हे खातीर यत्न करतले असें ढवळीकारान सांगलें. हवामानांत सध्या बदल जायत आसा. हवामान स्थीर दवोरपा खातीर व्हडा प्रमाणांत झाडां लावपाची गरज आसा. रानां खात्यान दिल्ली फळझाडां लावंन ताचें संवर्धन करात, अशें आवाहन संतोष गांवकारान शेतकारांक केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
