भांगरभूंय | प्रतिनिधी
भांगरभूंय । प्रतिनिधी
काणकोणः करमल घाटांतल्या अपघात प्रवण वाकडें मोणण व्हल्तार बांदकाम खात्याच्या रस्तो विभागान घातिल्ले पत्र्याचे बॅरिकेडीक लागून सुमार 70 मीटर लांब आनी देड फूट उंच काँक्रिटाचो दुरीग बांदतले. ताका लागून ह्या व्हल्तार वाहनां रस्त्याच्या भायर गेल्यार दुरीगाक लागून ती सकल देंगणांत पडची नात. ह्या कामाक बिरेस्तारच्यान सुरवात करतले अशें राष्ट्रीय म्हामार्ग 66चे सहाय्यक अभियंतो सागर शेट हाणे सांगलें.
फाटल्या सोमाराक ह्या व्हल्तार जाल्ल्या अपघातांत मुंबयच्या अरूण गांघी ह्या तरणाट्याक जीव वोगडावचो पडिल्लो. बुधवाराक काणकोणचो आदलो आमदार विजय पै खोत आनी काणकोणच्या गोंयकार ह्या बिगर सरकारी संस्थेचो अध्यक्ष जॅक फर्नांडीस हांणी ह्या व्हल्ताची पळोवणी केली. अपघात जावचे न्हय हे खातीर उपाय येवजण करपा खातीर ताणी सागर शेट हाका अपघात जाल्ले सुवातेर हाडिल्लें. तेन्ना दुरीग बांदतले अशें ताणे सांगल्लें.
वाकडें मोणण हांका दुरीग बांदपाच्या कामाक बांदकाम खात्यान बुधवारा सुरवात केल्ली मात रानां खात्यान तांचे सुवातेंत तो बांदपाक आक्षेप घेतलो. रानां खात्या कडल्यान एनओसी मेळना देखून आपूण काम करपाक शकना अशें कंत्राटदार सी ए महम्मद हाणे सांगल्लें. ह्या व्हल्तार आशिल्लो रस्तो एक मीटर रुंद करतले.
मजगतींस गुळें तें करमल घाट मजगतीं रस्त्याचें रुंदीकरण आनी व्हल्तार राखणे वणत बांदपाच्या कामाक काणकोणचो आमदार आनी सभापती रमेश तवडकार हांणी सुरवात करून दिल्ली. ह्या कामा खातीर 4 कोटी रुपया मंजूर जााल्ल्यात अशी म्हायती तांणे दिल्ली. मात कामा खातीर रानां खात्याची परवानगी घेवंक नाशिल्ल्यान तांणी हें काम आडायल्लें. राना खात्या कडल्डान एनओसी घेनास्तना कामाची निविदा काडून कामाची वर्क ऑर्डर कशी काडली असो प्रश्न जॅक फर्नांडीस हाणे केल्लो. तवडकार लोकांची दिकाभूल करता असो आरोपय तांणी केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
