भांगरभूंय | प्रतिनिधी
भांगरभूंय । प्रतिनिधी
वाळपयः पर्यें मतदारसंघांतल्या भुईपाल पंचायतीच्या 9 नंबराच्या वॉर्डांत भेडशेवाडो- चेकपोस्ट ह्या वाठारांतल्या व्हाळाची नितळसाण करपाचें काम आमदार दिव्या राणे हिच्या फुडाकारान सुरू जालां. हाचे पयलीं केन्नाच ह्या व्हाळांतलो चिखोल काडूंक नाशिल्ल्यान पावसाच्या दिसांनी ताका हुंवार येवंन आशी कुशीक उदक तुंबतालें.
फाटल्या कांय वर्सां सावन पावसाच्या दिसांनी व्हाळाचें उदक पात्र सोडून वयर येवून कुशीकच्या घऱांनी वतालें. ताका लागून व्हाळाची नितळसाण करप सामकें गरजेचें जाल्लें. दिव्या राणेन उदका स्रोत खात्याक व्हाळ नितळ करपाचो प्रस्ताव धाडल्लो तो पास जावंन प्रत्यक्ष काम सुरु जाल्ल्यान लोक समाधानी जाल्यात.
पर्ये पंचायत मंडळाचे बसकेंत व्हाळाची नितळसाण करपाचो थाराव पास करूनतो संबंदीत खात्याक धाडल्लो आनी ताची म्हायती थळावी आमदार दिव्या राणे हिकाय दिल्ली. तिणे उदका स्रोत खात्याचे अभियंता माजिक हाचे कडेन संपर्क सादून नितळसाणेचें काम सुरू केलें अशें थळावी पंच स्मिता मोटे हिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
