भांगरभूंय | प्रतिनिधी
भांगरभूंय । प्रतिनिधी
फोंडेंः पिळयें- धारबांदोडे प्राथमीक भलायकी केंद्रा वतीन पावसाच्या दिसांनी जावपी दुयेंसा संबंदी लोकांक जाग्रुत करपाचें काम हातांत घेतलां. डेंग्यूचेर नियंत्रण दवोरपा खातीर केंद्राचे कर्मचारी तयार जाल्यात. उसगांव हांगा दोन बेकायदेशीर कावलां अड्डे आसात. थंय पावसाचें उदक साठून जळेरां तयार जावपाची शक्यताय आशिल्ल्यान फुडल्या चार- पांच दिसांत ते बंद करपाची प्रक्रिया सुरू करतले अशें गाजें-उसगावचो सरपंच नरेंद्र गांवकारान सांगलें.
पिळयेंः धारबांदोडें भलायकी केंद्राचे हद्दींत पोरून डेंग्यूचे 23 दुबावीत दुयेंती मेळल्लें. अदूं आतां सावन डेंग्यूचेर नियंत्रणात हाडपा खातीर केंद्रा वतीन जाग्रुताय कार्यावळ हातांत घेतल्या. धारबांदोडें, गांजे, मोलें, नाणूस आनी हेर वाठारांतल्या लोकांक मलेरिया आनी डेंग्यू दुयेंसा विशीं म्हायती दितात. उसगांव हांगा आशिल्ल्या कावलांच्या दोन अड्ड्यांक लागून डेंग्यूचो प्रसार जावपाची शक्यतात भलायकी केंद्राचे वैजकी अधिकारी डॉ संदेश मडकयकारान उक्तायल्या आनी पंचातय मंडळाक फावो ती कारवाय करपाची सूचोवणी केल्या.
गांजें- उसगांव पंचायतीचे ग्रामसभेंत ह्या कावलां अड्ड्यां विशीं लोकांनी कागाळ केल्ली. आयज (बुधवार) कावला अड्ड्यांच्या धनयाक नोटीस दितले आनी ते बंद करपाक सांगलते असें सरपंच नरेंद्र गांवकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
