भांगरभूंय | प्रतिनिधी
जेईई एडव्हान्सड परिक्षेंतूय एस्टेलर अकादेमीन परतून बरी कामगिरी केल्या. इंजिनियरिंग आनी मेडिकल स्पर्धात्मक परिक्षांनी बरो निकाल मेळोवपाचें दायज सांबाळून एस्टेलर अकादेमीन जेईई अॅडव्हान्सडच्या निकालान परत एक फावट स्वताक सिद्ध केलां.
वॉरेन तावारिसान जेईई अॅडव्हान्सड देशांत 4191 वो क्रमांक मेळयला. तो एस्टेलर हायर सेकंडरी स्कूल ऑफ एक्सेलन्सचो विद्यार्थी, जी बोर्ड आनी स्पर्धात्मक परिक्षेची तयारी करपाची एकत्रीत उच्च माध्यमीक शाळा आसा. विक्रम चोडणकारान ओबीसी- एनसीएल रँक 5071 आनी सीआरएल रँक 19799 मेळयला.
वॉरेनान म्हणलें, “हांव म्हज्या आवय-बापायचो आनी एस्टेलर अकादमींतल्या म्हज्या शिक्षकांचे उपकार मानतां, तांणी म्हाका सदांच प्रेरीत केलो. ताकाच लागून जेईई अॅडव्हान्सडांत म्हाका इतले गूण मेळोवपाक मजत जाली. शिक्षक बरे आसात. ते तुमचो शिक्षणीक दुबाव सहज पयस करपाक तयार आसतात. जेईई अॅडव्हान्सड परिक्षेंत बरे गुण घेवपाक एस्टेलर अकादमींत सामील जावपाची हांव शिफारस करतां.”
योगेंद्र सिंह सिकरवार हांणी सांगलें की “आमच्या विद्यार्थ्यांनी जेईई अॅडव्हान्सड खातीर बरें काम केलां. हो आमचे खातीर अभिमानाचो खीण. वॉरेन तावारिसान राष्ट्रीय पांवड्याचेर 4191 क्रमांक मेळयला. आमचे हेर विद्यार्थीय बऱ्या गुणांनी पात्र थारल्यात. अंदूं भारतभर जेईई अॅडव्हान्स खातीर सुमार 1,80,000 विद्यार्थी हाजीर आशिल्ले आनी सुमार 43,000 विद्यार्थी आयआयटी प्रवेशा पयलींच्या समुपदेशन खातीर पात्र थारल्यात. एस्टेलर अकादेमीचे जायते विद्यार्थी वयल्या पांवड्यावेल्या आयआयटी, एनआयटी, आयआयआयटी, आनी हेर मुखेल अभियांत्रिकी म्हाविद्यालयांनी वतले. सगळ्या विद्यार्थ्यांक आनी पालकांक हांव परबीं दितां, आनी तांकां तांच्या फुडारा खातीर बरें मागतां.”
कांय दिसां फाटीं एस्टेलर अॅकॅडमी गोवा बोर्ड एचएसएससी टॉपर 2023 तयार करपा खातीर चर्चेंत आशिल्ली. नीट, जेईई, बोर्ड्स परिक्षेंत बरें येश मेळोवप ही एस्टेलर अकादेमीची परंपराच जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
