भांगरभूंय | प्रतिनिधी
फोंडें: कपिलेश्वरी वोल्ताचेर आशिल्ल्या घातक फोंडकुलांत दुचाकी वचून अपघात जावपाची माळूच सुरू जाल्या. सोमारा सकाळीं दुचाकी फोंडकुलाक लागून पडिल्ल्यान एक गुरवार बायल जखमी जाली. लागसारच्या लोकांनी ताकतिकेन येवन तिका उपचारा खातीर पयलीं उपजिल्हो हॉस्पिटलांत दाखल केली आनी उपरांत फुडल्या उपचारा खातीर बांबोळेच्या गोमॅकाँत दाखल केली. फाटल्या कांय दिसां सावन कपिलेश्वरी रस्त्याचेर आशिल्ल्या फोंडकुलाक लागून पडून खूब जाण जखमी जाल्यात. कवळें पंचायत वाठारांत सध्या भुंयगत वीज केबल घालपाचें काम सुरू आसा. ह्या वाठारांतल्या रस्त्यांचेर पडिल्लीं फोंडकुलां अपघातांत आमंत्रण दितात. भुंयगत केबल घालपाचें काम ताकतिकेन पुराय करचें आनी रस्त्या वयलीं फोंडकुलां बेगिनात बेगीन पुरोवचीं, अशी थळाव्या लोकांनी मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
