भांगरभूंय | प्रतिनिधी
झाडांक लागूनच संवसार संतुलीत आसा: कुंदन फळारी
दिवचल: सम्राट क्लब दिवचले वतीन गोवींद नगर हांगच्या महादेव देवस्थानाच्या आंगणांत क्रांती दिसा निमतान झाडां रोवपाची कार्यावळ जाली. सम्राट क्लबा वतीन ‘सैमाचो सांबाळ’ ह्या उपक्रमा खाला ही झाडां रोवपाची कार्यावळ आयोजीत केल्ली.
हे कार्यावळीक मुखेल सोयरे म्हणून दिवचल नगरपालिकेचे नगराध्यक्ष कुंदन फळारी हाजीर आशिल्ले. तांचे हस्तुकीं फळां, फुलांचीं झाडां रोयलीं. ह्या वेळार सम्राट क्लबाचे अध्यक्ष तशेंच नगरसेवक निलेश टोपले, नगरसेवक विजयकुमार नाटेकार, सचीव सम्राट डॉ. प्रवीण सावंत, भांडारी शेखर नायक, सम्राट वांगडी यदुनाथ शिरोडकार, नितीन कंवठणकार, संजू वेर्णेकार, राहुल कवळेंकार, प्रसाद झांटये, तुळशिदास मांजरेंकार, सिध्देश कोटकार, विश्वास गांवस कार्यावळीचे समन्वयक शेखर साळगांवकार, महादेव देवस्थानाचे अध्यक्ष राजू सुपेकार, सचीव विनायक हळदणकार, विनोद मांद्रेंकार, सिध्देश मांद्रेंकार आनी हेर हाजीर आशिल्ले.
नगराध्यक्ष कुंदन फळारी हांणी दरेका मनशान पावसांत एक तरी झाड लावचें. झाडांक लागूनच संवसार संतुलीत आसा. झाड आपल्या वाठारांत लावन ताचो सांबाळ करचो आनी आपलो वाठार पांचवो करचो अशें तांणी म्हणलें.
नगरसेवक विजयकुमार नाटेकार हांणी ह्या वेळार आपले विचार मांडले.
ह्या वेळार विजय कुमार नाटेकार हांणी झाडां कित्याक रोवचीं हे विशीं जागृताय केली.
अध्यक्ष निलेश टोपले हांणी झाडां रोवपाचें म्हत्व सांगलें. झाडां रोवपा खातीर वट्ट 15 फुलां, फळांचीं झडां दिवचलचे उद्देजक मुंकुंद तारी हांणी पुरस्कृत केल्ली.
सुत्रसंचालन डॉ. प्रवीण सावंत, येवकार निलेश टोपले आनी उपकार शेखर नायक हांणी मानले. नगरसेवक विजय कुमार नाटेकार आनी विश्वास गांवस, शेखर साळगांवकार, राजू सुपेकार हांणी झाडां रोवपाची कार्यावळी येसस्वी करपा खातीर मेहनत घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
