भांगरभूंय | प्रतिनिधी
ते येवंक ना. म्हणपाक लागलें, ‘हांवें ल्हान आसतना टीव्हीचेर ‘रामायण’ पळयल्लें. ताचो इम्पॅक्ट म्हाका शेणोवपाचो ना.’
रातीं दोगाय भुरग्या वांगडा ‘आदिपुरुष’ सिनेमा पळोवपाक गेल्लों. किदें म्हणटात? बायलेक व्हरुंकना? ना. ते येवंक ना. म्हणपाक लागलें, ‘हांवें ल्हान आसतना टीव्हीचेर ‘रामायण’ पळयल्लें. ताचो इम्पॅक्ट म्हाका शेणोवपाचो ना.’ तरी हांवें म्हटलें, ‘आगो, इट्स 3 डी मूव्ही. पळोवपाक मज्जा येतली.’ तरी ताणें हांव येना म्हूण सांगलें. आमी भायर सरले. थेटरा कडेन पावसर टेन्शन. तिकेटी मेळटल्यो काय ना. गाडी पार्क करून भायर सरता थंय आसा, एक पास हातांत पडलो. ‘सर धा रुपया पार्किंगाचे. हुम्म्म्म म्हटलें आनी दिले.
कावंटर खाली आसलो. हे आनी कितें काय, म्हटलें मनांतल्या मनान. आरे, बाबा थेटर खाली किदें रे?
ना भाई फुल्ल आसा. फक्त आठ तिकेटी आसात फुडल्यो. आतां ऑनलायन न्हय. सगळें नाच्च जाता. काडू? हय हय काड बाबा, ना जावच्या पयली. हांवें किद्याक ऑनलायन बूक करुंक ना? मूर्ख हांव आनी मनांतल्या मनान हांसलो. ‘डेडू, कितले रुपया जाले रे तिकेटीचे?’
xxx जाले.
खूब म्हारग मरे.
लायन खूप लांब आसली. बकेटांतलीं चार वक्लां काडलीं. आरे, चार किद्याक काडल्यांत? धाकट्या पुतान म्हटलें. आरे एक मम्माचें. एक फोटो मारून व्हाट्सअप करूया. आमी हांसत एक सेल्फी मारलो……. जन गण मन…. सोंपले उपरांत नकळटां ‘भारत माता की जय’ हो जयघोश तोंडांतल्यान भायर पडलो.
‘डेडू, श्री राम सॉलिड दिसता नी हिरो कसो, कितें कराटे केली, कसली फायटींग केली रे…..
‘साई, ओगी राव रे. लोकांक डिस्टर्ब जाता.
बरें तर…
राम येयलो, सीता येयली, हरण येयलें, राम धरपाक धावलो. राम उलो मारता तो आवाज येयलो म्हणून लक्ष्मण धांवलो. इतल्यान रावण येयलो. ‘भिक्षां देही’ सीता येयली आनी रावणान तिका व्हेली…. हे सीन सुरु आसतना म्हजो पुत व्हडल्यान म्हणपाक लागलो ‘आरे, डेडू रामान सीतेक फोन किद्याक करूंक ना? ताका सांगलें, ‘आरे, बाबा त्या वेळार मोबायल नासले.’
‘मागीर त्या वेळार कराटे शिकोवपाक कोच खंयचे आसले तर??’- ताची शंका.
पूण, रातभर प्रस्न सतोवपाक लागलो. हो मोबायलाचो इम्पॅक्ट? काय आदिपुरुष सिनेमाच्या एनीमेशनाचो इम्पॅक्ट???
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
