भांगरभूंय | प्रतिनिधी
ज्योशुआ डिसोझाः अधिकाऱ्यां सयत पळोवणी
भांगरभूंय । प्रतिनिधी
म्हापशें:खोर्लेचो सांकव मोडपाक पावला. ताका लागून ताचे दुरुस्तीचें काम आपत्ती वेवस्थापन प्राधिकरणी वतीन प्राधान्यान हातांत घेतलें आनी बेगिनात बेगीन तें पुराय करतले, अशें उपसभापती ज्योशुआ डिसोझा हांणी सांगलें.
खोर्ली म्हापशेंच्या श्री सांतेरी देवळा कडेन वचपी जोडरस्त्या वयलो पोरणो सांकव मोडपाक पावला. ताची उपसभापती डिसोझा हांणी अधिकाऱ्यां सयत पळोवणी केली. ह्या वेळार ते उलयताले. तांचे वांगडा भौशीक बांदकाम खात्याचे कार्यकारी अभियंते सुभाष बेळगावकर, सहाय्यक अभियंते महेश शेट्टी, येरादारी पुलीस निरिक्षक मार्लन डिसोधा, नगरसेवक स्वप्नील शिरोडकार आनी हेर मानेस्त हाजीर आशिल्ले. खोर्ली वाठारांतलो हो मुख्य रस्तो आसा. ताचेर आशिल्लो सांकवो नेमला तशेंच ताचेर फोंडकूल पडलां. ताका लागून हो रस्तो आयतारच्यान येरादारी खातीर बंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
