भांगरभूंय | प्रतिनिधी
भांगरभूंय । खेळां मेज
पणजीः र्वेणा हांगा आयतारा आयोजीत केल्ल्या 13व्या एसकेएफ गोंय रिव्हर मॅरेथॉन प्रमोशनल रनांत दादले, बायलो आनी भुरगीं मेळून सुमार 400 जाणांनी वांटो घेतिल्लो. गोंयच्या रानां खात्या वतीन तांकां रोपे दिले.
वेर्णा उद्देगीक वसाहती सावन सुरू केल्ले ह्या रनांत पावस पडटानस्ता लेगीत सगल्यां कडल्यान सामको बरो प्रतिसाद मेळ्ळो. वास्को स्पोर्ट्स क्लबान वेर्णा उद्देगीक असोसिएशनाच्या पालवान आयोजीत केल्ले हे प्रमोशनल मॅरेथॉनांत 5 किलोमीटर आनी 10 किलोमीटर धांवपाचें आशिल्लें. उद्देगीक वसणुकेतल्या मुखेल रस्त्यांतलो एक रस्तो येरादारी खातीर बंद केल्लो. ताका लागून मॅरेथॉनांत वांटेकार जाल्ल्याक सुरक्षीतपणान धांवपाक मेळ्ळें.
मॅरेथॉनांत वांटो घेतिल्ल्या दरेकल्याक आयोजकांनी यादस्तीक आनी नाश्ता दिलो. रानां खात्या वतीन फळ झाडाचो रोपो दिलो. मुखेल एसकेएफ गोंय रिव्हर मॅरेथॉन 10 डिसेंबराक जातली. तिचे खातीर www.skfgoarivermarathon.com हे वेबसायटीचेर नांव नोंदणी सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
