भांगरभूंय | प्रतिनिधी
खबरां संस्था
मुंबयः भारतीय क्रिकेट नियामक मंडळान (बीसीसीआय) 2023-24च्या रणजी क्रिकेट सिझनाचें वेळापत्रक जाहीर केला. 5 जानेवारीच्यान रणजी सर्तीक सुरवात जातली. 70 दीस चलपी ही सर्त 14 मार्चाक सोपतली. सर्तीची साखळी फेरी 19 फेब्रुवारीक सोपतली आनी बाद फेरी 23 फेब्रुवारच्यान सुरू जातली.
देशांतर्गत क्रिकेटीचो सिझन 28 जूनाच्यान दुलीप करंड सर्तींत सुरू जातलो. ही सर्त 16 जुलयाक सोपतली. ते उपरांत देवधर करंड सर्त 24 जुलयच्यान सुरू जावंन 4 ऑगस्टाक सोपतली. ते उपरांत रणजी चॅम्पियन सौराष्ट्र आनी शेश भारत हाचें मदी 1 ते 5 ऑक्टोबराक इराणी कप मॅच जातली.
वेळापत्रका प्रमाण सय्यद मुस्ताक अली टी-20 सर्त 16 ऑक्टोबर तें 6 नोव्हेंबर मजगतीं जातली. 50 ओव्हरींची विजय हजारे सर्त 23 नोव्हेंबर तें 15 डिसेंबर मजगतीं जातली. धव्या बॉलांत जावपी ही सर्त एलीट आनी प्लेट अशा दोन विभागांत जातली. प्रीमियर गटांत दरेकी आठ पंगडाचे तीन गट आसतले, लोव्हर डिव्हिजनांत सात पंगडाचें दोन गट आसतले. दोन उपउपांत्यपूर्व, चार उपांत्यपूर्व, दोन उपांत्य आनी फायनल अशे हे सर्तीचें स्वरूप आसतलें.
रणजी सर्तींत लेगीत एलीट आनी प्लेट अशे दोन विभाग आसतले. एलीट विभागांत आठ पंगडाचे चार गट आनी प्लेट विभागांत 6 पंगडांचो एक गट आसतलो. एलीट विभागांत सात लीग मॅची, उपांत्यपूर्व, उपांत्य आनी फायनल आसतली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
