भांगरभूंय | प्रतिनिधी
खबरां संस्था
नवी दिल्लीः भारतांत अदूं वन-डे वर्ल्ड कप क्रिकेट सर्त जातली. 46 दीस चलपी हे सर्तींत वट्ट 48 मॅची जातल्यो. तातूंत तीन बाद फेरयेच्यो मॅची जातल्यो. तातूंत वट्ट 10 पंगड वांटेकार जातले. हे सर्तीचे तयारे खातीर भारतीय पंगडाक 12 वन-डे मॅची खेळपाक मेळटल्यो.
ताचे पयलीं 12 जुलय सावन सुरू जावपी वेस्ट इंडिज भोंवडेर भारत 2 टॅस्ट मॅची, 3 वन-डे आनी 5 टी-20 मॅची खेळटलो. ह्या वेळार भारत वर्ल्ड कप मोहिमेची तयारी करतना दिसतलो. वर्ल्ड टॅस्ट चॅम्पियनशीप उपरांत भारतीय पंगडान एक म्हयन्याचो ब्रेक घेतला. आशिया करंड सर्त 32 ऑगस्ट सावन सुरू जातली. अंदू ही सर्त वन-डे फॉर्मेटांत जातली. तातूंत 13 मॅची जातल्यो. भारतीय पंगड फायनलींत पावल्यार 6 मॅची खेळपाक शकतली.
आशिया करंट सर्तींत वांटेकार जावपी पंगडाची दोन गटांत विभागणी केल्या. तातूंत दरेका गटांतल्यान दोन पंगड सुपर चार फेरींत प्रवेश करतले. सुपर चार फेरयेंतल्या पयल्या दोन पंगडांत फायनल जातली. हे सर्तींत जावपी 13 मॅचींतल्यो चार मॅची पाकिस्तानांत आनी बाकीच्यो 9 मॅची श्रीलंकेंत जातले. आशिया सर्त 31 ऑगस्ट तें 17 सप्टेंबर मजगतीं जातली. ताचें वेळापत्रक रोखडेंच जाहीर करतले.
15 वर्सां उपरांत आशिया सर्तीच्यो मॅची पाकिस्तानांत जातल्यो. 2008 वर्सा पाकिस्तान आशिया सर्तीचो येजमान आशिल्लो. तेन्ना भारताक हारोवन श्रीलंका चॅम्पियन जाल्लो. सनथ जयसूर्यान हे मॅचींत 125 धांवड्यो केल्ल्यो. श्रीलंकेन 49.5 ओव्हरींत 273 धांवड्यो केल्ल्यो. भारताचो डाव 39.3 ओव्हरींत 173 धांवड्यांत आवट जाल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
