भांगरभूंय | प्रतिनिधी
भांगरभूंय । खबरां मेज
पणजीः स्वामी रामदेव हांच्या पतंजली फूड्स लिमिटेड कंपनीन आपल्या गिरायकां खातीर तांची नवीं उत्पादनां बाजारांत हाडल्यांत. तातूंत न्यूट्रास्युटिकल्स, हेल्थ बिस्कुट, न्यूट्रेला बाजरी आदारीत कड्डणां, आनी ड्राय फ्रूट्स हाचो आसपाव आसा.
वनस्पती उत्पादनांतल्या आपल्या अणभवाचो भारतीय गिरायक बाजारपेठेक करून दिवपाच्या हेतान आनी बाजाराचो खोलायेन अभ्यास करून पतंजली फूड्सान वेगवेगळ्या श्रेणीतल्या गिरायकां खातीर वट्ट 14 नवी उत्पादनां बाजारांत हाडल्यांत आनी तातूंत ‘न्युट्रेला स्पोर्ट्स’ ह्या उत्पादनाच्या विक्रीचो शुभारंभ केला.
भारतीय खेळां पोशण उद्देग 2028 मेरेन 18 टक्के सीएजीआर वाडून 8,000 कोटी रुपया मेरेन पावतलो असो अदमास आसा. खेळां पोशण उत्पादनांची वाडटी मागणी हे ताचें मुखेल कारण आसा.. ही मागणी मतींत दवोरून पतंजली फूड्सान खेळां पोशण उत्पादांच्या श्रेणींतल्यान वट्ट 6 उत्पादनां आनी 19 एसकेयू आशिल्ल्या न्यूट्रेला स्पोर्ट्साची उत्पादना तयार केल्यांत जी. सामकी सुरक्षीत आनी खेळां पोशणा खातीर सैमीक तुळेचीं आसात. ओरिएन्टेड न्यूट्रिला स्पोट्स व्हो भारतीय गिरायकां खातीर एक क्रांतिकारी पर्याय थारतोलो अशें कंपनीक विश्वास आास. ह्या भायर आयुर्वेदिक सयत हेर शाकाहारी उत्पादनां कंपनीन तयार केल्यांत.
मॅक्समिलेट्स हो न्यूट्रेलाचो देशांतलो पयलो सुपरफूड ब्रँड आसा, ताचे वरवीं भारतीय बाजारांक सोया चंकांची वळख करून दिल्या. न्युट्रेला हें सुपर फूड विभागांतलें फुडलें पावल आसा आनी कंपनीच्या ‘न्युट्रेला’चो विस्तार करपाचे येवजणे खाला कंपनीन “न्युट्रेला मॅक्स बाजरे रागी चोको सेरियल” हें उत्पादन बाजारांत हाडलां. बाजरी उत्पादनाची माळ सुरू करपाची कंपनीची येवजण आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
