भांगरभूंय | प्रतिनिधी
संगिता ठाकूर: वाळपय हनुमान विद्यालयांत जनभागीदारींतल्यान शिक्षण उपक्रम
वाळपय: अणभवांतल्यान घेतिल्लें शिक्षण सदां खातीर तिगता. ताका लागून बौध्दीक कुशळटायेच्या बळग्यार अणभवांतल्यान शिक्षण दिवपाची प्रक्रिया सरकारान सुरू केल्या. शिक्षण खात्यान जायत्या वर्सां उपरांत शिक्षण धोरण चालीक लायतना अणभवांतल्यान शिक्षणाची नवी संकल्पना सुरू केल्या. ही खरेंच तोखणाय करपा सारकी गजाल. फुडाराक समाज शिकिल्लो आनी संस्कृत करपाच्या हेतान हो नवो यूग सुरू जाला. हाका लागून नव्या शिक्षणीक धोरणांतल्यान शिक्षकांनी कश्टाच्या बळग्यान भुरग्यांचे बौध्दीक तांकीची उदरगत करपाचेर भर दिवची अशी मागणी संगीता ठाकूर हांणी केली. वाळपय श्री हनुमान विद्यालयांत ‘जनभागीदारींतल्यान शिक्षण’ हे कार्यावळीक तिणें विद्यार्थ्यांक आनी शिक्षकांक म्हायती दिली.
शिक्षण हो सगळ्यां खातीर म्हत्वाचो घटक. नोकरे खातीर शिक्षण घेवप गरजेचें. पूण नोकरे खातीर शिक्षण घेनासतना घट मान आनी आत्मसम्मानान समाजांत जगपाक जाय जाल्यार आमची बौध्दीक कुशळटाय वापरून शिक्षणाच्या अणभवांतल्यान जगपाक जाय.नव्या शिक्षणीक धोरणा प्रमाण समाजांतले शिक्षण वेवस्थेंत उदरगत जावंक जाय. ताका लागून फुडाराक सकारात्मक शिक्षणाची व्याख्या आनीक विकसीत करची अशें सांगून शिक्षकांनी हाचेर खासा लक्ष दिवपाची मागणी संगीता ठाकूर हांणी केली.
ह्या वेळार माचयेर वाळपय शिक्षण संस्थेचे अध्यक्ष नरहरी हळदणकार, मुख्यध्यापिका सुविधा बर्वे, ज्येश्ठ शिक्षक विश्वास कंवळेंकार, प्रशांत सोलापूरकार, शारिरीक शिक्षक उदयकुमार पाटील, पांडुरंग गांवकार आनी हेर हाजीर आशिल्ले.
सुरवातेक मुख्याध्यापिका सुविधा बर्वे हांणी प्रस्तावीक केलें. आपल्या प्रस्ताविका वरवीं वाळपय हनुमान विद्यालयांत सुशिक्षीत समाज निर्मितीच्या कामात हनुमान विद्यालय खुबशे उपक्रम राबयता. येवपी काळांत समाजांत येवपी दरेका संकश्टांक तों दिवपाची तांक तांचेमदीं निर्माण जावपाक जाय. तेच नदरेन हनुमान विद्यालय पावल उबारता अशें तांणी म्हणलें.
येवकार नरहरी हळदणकार हांणी दिलो. ह्या उपक्रमाचो एक वांटो म्हणून भुरग्यां खातीर सायकल फेरी काडली. हातूंत विद्यार्थ्यांनी व्हडा प्रमाणांत वांटो घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
