भांगरभूंय | प्रतिनिधी
भांगरभूंय । प्रतिनिधी
मडगांवः आशाढी एकादशी निमतान पंढरपूरच्या विठ्ठल रखुमाईचें दर्शन घेवपा खातीर डॉ गुरुदास नायक हाच्या फुडारपणा खाला मडगांवचे 10 वारकरी अंदू पयलेच खेप श्री ज्ञानेश्वर माऊली वारकरी मंडळाचे पाय वारींत वांटेकार जाल्यात. ह्या मंडळान राजबाग- काणकोण हांगच्यान हे वारीक सुरवात केल्ली.
योगिनी एकादशीच्या म्हूर्तार सगले वारकरी मडगांवच्या श्री हरिमंदिरांत एकठाय आयले. हरिमंदिर देवस्थान समिती वतीन सगल्या वारकऱ्यांक येवकार दिलो. हे वारकरी मडगांवच्यान केपें हांगा विठ्ठल रखुमाई मंदिरात काणकोणच्या आयिल्ल्या वारी पंगडात वांटेकार जातले. सुमार 400 किलोमीटर अंतर चलत वचून आशाढी एकदशीच्या आदल्या दिसा ते पंढरपूर पावतले.
हरिमंदिर देवस्थान समितीन मडगांवचो आमदार दिगंबर कामत हाचे हाजेरेंत वारकऱ्यांक तांच्या गळ्यांत फुलां हार घालून येवकार दिलो. भगवो झेंडो दाखोवन कामत हाणे तांका फुडले वारी खातीर निरोप दिलो. ह्या वेळार देवस्थान समितीचे सुहास कामत, नीलेश कांदे, मनोहर बोरकार, रवींद्र नेवगी, उमाकांत सावंत, मंदार पारोडकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
