भांगरभूंय | प्रतिनिधी
भांगरभूंय । प्रतिनिधी
म्हापशेंः कळंगुटे हांगच्या शांतादुर्गा देवळा सामकारचो वाठारार उत्तर गोंय जिल्होधिकाऱ्यान नो पार्किंग विभाग म्हणून जाहीर केला. देवळा सामकार वाहना पार्क केल्ल्यान भाविकांक तशेंच देवळांतले धर्मीक विधी करतना आडमेळे येतात. देवळा सामकार वाहना पार्क करपाक दिवचीं न्हय अशी मागणी करपी निवेदन शांतादुर्गा संस्थानाचे कार्यकारी समितीन बार्देशच्या उपजिल्होधिकाऱ्यांक सादर केल्लें.
कळंगुटे पंचायत मंडळान लेगीत देवळा सामकारचो वाठार नो पार्किंग विभाग म्हणून जाहीर करचो असो थाराव पास करून उपजिल्होधिकारी कार्यालयांत धाडल्लो. हे संबंदी फुडली कारवाय करपाक उपजिल्होधिकाऱ्यान पणजे उत्तर गोंय जिल्होधिकाऱ्याक व्हो प्रस्ताव धाडल्लो.
जिल्होधिकाऱ्यान हे विशीं येरादारी पुलिसांक अहवाल सादर करपाक सांगल्लो. ताणे केल्ले शिफारशी वयल्यान देवळा सामकारचो वाठार नो पार्किंग विभाग केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
