भांगरभूंय | प्रतिनिधी
चंद्रकांत कंवळेंकार वारींत जाले वाटेकार
केपें: पंढरपूर हांगा आषाढी एकादशीक विठ्ठल रखुमाईच्या दर्शना खातीर महाराष्ट्रा वांगड्या गोंयच्यानूय खुबश्यो वारी सुरू जाल्यात. केप्यां विठ्ठल रखुमाई वारकरी मंडळ (काणकोण) आनी श्री संत ज्ञानेश्वर माऊली वारकरी मंडळ (दक्षीण गोंय) ह्या दोनूय मंडळांक येवकार दिलो.
काणकोण हांगचें विठ्ठल रखुमाई वारकरी मंडळ 12 जुनाक केप्यां पावलें. केप्यां बाजारांत आनी ताचे उपरांत श्री ज्ञानेश्वर मठांत वारीक येवकार दिलो.
ह्या वेळार आदले उपमुख्यमंत्री आनी भाजपा उपाध्यक्ष चद्रकांत (बाबू) कंवळेंकार हांणीय वारींत वांटो घेतलो आनी वारकर्यांक परबीं भेटयलीं.
श्री संत ज्ञानेश्वर माऊली वारकरी मंडळाची (दक्षीण गोंय) पांयवारी पंढरपूर वचपाक भायर सरली. केपें पाविल्ले कडेन दुर्गा देवी कला आनी सांस्कृतीक मंडळा वतीन तिका येवकार दिलो.
उपरांत श्री ज्ञानेश्वर मठांत केपें वारीक येवकार दिलो. हे वारींतूय आदले उपमुख्यमंत्री श्री चंद्रकांत (बाबू) कंवळेकार हांणी केपें ते कुडचडें मेरेन पांयवारींत वांटो घेतलो. तांणी वारकरींक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
