भांगरभूंय | प्रतिनिधी
भारताची धांवपी हिमा दास हिका एप्रीलांत दुखापत जाल्ली. तातूंतल्यान ती अजून पुर्ण बरी जावंक ना. ताका लागून चिनांत जावपी आशियायी खेळांत ती वांटो घेवची ना.
23 वर्सां पिरायेचे हिमा दासान 2018 वर्सा जकार्तांत जाल्ले आशियायी खेळांत 400 मिटर धांवपाचे वैयक्तीक प्रकारांत रुप्या पदक जिखिल्लें. तशेंच भांगरा पदक आनी रुप्या पदक जिखपी बायलांचे चार बाय 400 आनी मिश्र चार बाय 400 मिटर रिले पंगडाची लेगीत ती वांगडी आशिल्ली.
एप्रीलांत बंगळुरूंत इंडियन ग्रां प्रीक एक दीस बाकी आसतना तिका दुखापत जाली. दुखापतीक लागून राचींत जाल्ले फॅडरेशन करंड सर्तींत लेगीत वांटो घेवंक नाशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
