भांगरभूंय | प्रतिनिधी
राजेश शिरवाडकार: पिसुर्ले सरकारी विद्यालयांत जनभागिदारी सप्तक मनयलें
वाळपय: भुरग्यांक सतत उर्बा दिवप म्हत्वाचें. ही प्रक्रिया सैमीक स्वरुपाची आसता. अशा प्रयोगांतल्यान भुरगीं बरे तरेन पर्जळपाक शकतात. भुरग्यांक जायत्या मळार येस मेळूंक शकता. तांकां सतत प्रोत्साहन, आदार दिवप गरजेचें अशें राजेश शिरवाडकार हांणी म्हणलें.
सरकारी माध्यमीक विद्यालय पिसुर्लें जनभागीदारी सप्तक आयोजीत केल्लें. ह्या वेळार शिरवाडकार मुखेल सोयरे म्हणून हाजीर आशिल्ले. ह्या वेळार माचयेर मुख्याद्यापक उल्हास गांवकार, शाळा वेवस्थापन समितीचे अध्यक्ष बाबलो पर्येंकार, ज्येश्ठ शिक्षक नंदा माजीक, समितीचे सल्लगार हनुमंत परब, कार्यावळ संयोजक भैरो झोरे, कविता यमकार, राजेश शिरवाडकार, साईश म्हाऊसकार, पालक समितीचे पदाधिकारी आनी पालक हाजीर आशिल्ले.
नव्या शिक्षणीक धोरणाक लागून भुरग्यांची बौध्दीक उदरगत वाडटली. अणभवांतल्यान शिकप म्हत्वाचें. जशें मनीस अणभवांतल्यान शिकता तसोच विद्यार्थ्यांकय अणभवांतल्यान बरे तरेन शिकपाक मेळटा, अशें राजेश शिरवाडकार हांणी फुडें सांगलें.
ह्या वेळार पालकां खातीर विवीध विशयांचेर मार्गदर्शन कार्यशाळा आयोजीत केल्ली. तशेंच विवीध विशयांचेर ह्या वेळार चर्चा जाली.
विधार्थ्यां खातीर ‘जी 20’ ह्या विशयाचेर चित्रकला सर्त जाली. तशेंच पालकां मदीं जागृताय निर्माण करपा खातीर विद्यार्थ्यांनी प्रभात फेरी काडली.
नंदा माजीक हांणी येवकार आनी प्रास्तावीक केलें.
ह्या वेळार भैरो झोरे हांणी विवीध विशयांचेर मार्गदर्शन केलें.
निमाणें शिक्षिका कविता यमकार हांणी सगळ्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
