भांगरभूंय | प्रतिनिधी
दिवचल: पंढरपुरच्या पांडुरंगाचें दर्शन घेवपा खातीर आमोणा तशेंच गोंयच्या विवीध वाठारांतल्या वारकरींक मुख्यमंत्री डॉ. प्रमोद सावंत हांणी भेट दिवन परबीं भेटयल्यो.
आमोणेच्यान भायर सरिल्ले वारींत मुख्यमंत्री डॉ. सावंत साखळे हांगा वांटेकार जाल्ले. तांणी दर्शन घेवन कांय वेळ वारींत वांटो घेतलो.
पांडुरंगाची कृपा दरेकल्याचेर आसा. लाखांनी वारकरी हातूंत वांटेकार जातात. गोंयच्यान शेकड्यांनी वारकरी वतात. तांचे अणभव, अनुभूती विलक्षण आशिल्ल्यान वारकरी भाविकांनी आपली जतनाय घेवची, अशें मुख्यमंत्री डॉ. प्रमोद सावंत हांणी सांगलें.
दिवचल, आमोणा, मेणकुरें, मुळगांव आनी हेर वाठारांतल्यान सुमार चार हजार वारकरी वतले. त्या सगळ्यांक डॉ. सावंत हांणी परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
