भांगरभूंय | प्रतिनिधी
शिरोडेंच्या तरवळें स्पोर्ट्स क्लबान आयोजीत केल्ले निमंत्रीत 15 वर्सां पिराय सकयले सर्तींत फोंडें शिरोडें आरसीसीन वस्तादपण जोडलें. फायनलींत ताणें बेळगांवच्या रोजर क्रिकेट क्लबाक सात विकेटींनी हारयलो. रावंड रॉबीन मॅचींत फोंडें शिरोडान सगले तिनूय मॅची जिखून फ्रॅण्डशीप करंड मेळयलो.
मॅची काराय शिरोडेंच्या शिरोडें पंचायतीच्या टर्फ खेळपट्टीचेर खेळयल्यो. फायनलींत पयलीं बॅटींग करतना बेळगांवच्या रोजर क्रिकेट क्लबान रोजर क्रिकेट क्लबान 17 ओव्हरींनी सगल्यो विकेटी वगडावन 82 धांवड्यो केल्यो. गौतम 23, दिशान 20 धांवड्यो केल्यो. शौनीक कामतीन स धांवड्यो दिवन एक,सैफुद्दीनान 17 धांवड्यो दिवन दोन, कृणाल शिंदेन 16 धांवड्यो दिवन 2 आनी वर्तकान 14 धांवड्यो दिवन एक विकेट घेतली.
फोंडें शिरोडें आरसीसीन सात विकेटी राखून जैत जोडलें. रिश्वेत नायकान 41, दीपराजान नाबाद 15 धांवड्यो केल्यो. रोजर क्रिकेट क्लबा वतीन जतिनान 12 धांवड्यो दिवन 2 विकेटी घेतल्यो.
इनामां भेटवण सुवाळ्याक शैलेश बोरकार, सत्येन बेळेकार, आदलो रणजी प्रशिक्षक अनील नायक, विठ्ठल जोशी उपस्थीत आशिल्ले.
उत्कृश्ट बॅट्समन म्हणून रित्वेश नायकाची आनी उत्कृश्ट बॉलर म्हणून शौनीक कामत हांची निवड जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
