भांगरभूंय | प्रतिनिधी
भांगरभूंय । प्रतिनिधी
सांगेंः आशाढी एकादशी निमतान पंढरपुरांत श्री विठ्ठलाचें दर्शन घेवपा खातीर चलत पंढरपुराक वचपी वारकऱ्यांक सांग्यांतल्या लोकांनी व्हडा उमेदीन येवकार दिलो.
काणकोणच्यान हे वारीक 11 जूनाक सुरवात जाल्ली. 430 किलोमीटर अंतर चलत वचून 18 दिसांच्या प्रवासा उपरांत 26 जूनाक ही वारी पंढरपूर पावतली. वारींत 25 तें 70 वर्सां पिरायेचे वारकरी वांटेकार जाल्यात. पोरूं केंप्यांतल्या वारी मंडळांत सांग्यांतले वारकरी वांटेकार जाल्ले.
वारींत चडांत चड वारकऱ्यांनी वांटो घेवन हिदूं संस्कृतीचें संवर्धन करपाची गरज आसा. जेन्ना आमी महाराष्ट्रांत प्रवेश करतात तेन्ना वारीचें म्हत्व कळटा. वारकऱ्यांत थंयच्या लोकांक विठ्ठल दिसता आनी ते वारकऱ्यांची सेवा करतात अशी म्हायती वारकरी सूरज नायक गांवकारान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
