भांगरभूंय | प्रतिनिधी
मुख्यमंत्र्या हस्तुकीं नवे वास्तुचें जातलें उक्तावण
पणजी: गोवा कोंकणी अकादेमीची कचेरी
आनी मो. दाल्गाद वाचनालय पाटो प्लाझा पणजेच्या, बी.एस.एन.एल. (BSNL) इमारतीचे 5 वे माळयेर स्थलांतरीत जाता. ह्या निमतान बुधवार ता. 21 जून 2023 दिसा सांजेच्या 4.30 वरांचेर कार्यावळ आयोजीत केल्या.
हे नवे वास्तुच्या उक्तावण सुवाळ्याक मुखेल सोयरे म्हणून गोंय राज्याचे मुख्यमंत्री डॉ. प्रमोद सावंत हाजीर आसतले. तशेंच मानाचे सोयरे म्हणून ज्ञानपीठ पुरस्कार जैतीवंत, कोंकणी लेखक दामोदर (भाई) मावजो आनी सरस्वती सन्मान जैतीवंत ज्येश्ठ कोंकणी लेखक महाबळेश्वर सैल हाजीर रावतले. तशेंच खाशेले आमंत्रीत म्हणून
राजभास सचीव सरप्रीत सिंह गील (IAS), आनी राजभास संचालनालयचे संचालक राजू गांवस हाजीर आसतले.
ह्या वेळार ज्ञानपीठ पुरस्कार जैतीवंत दामोदर (भाई) मावजो हांचो भोवमान सुवाळो आनी ज्येश्ठ लेखक माधव बोरकार हांणी बरयल्ल्या डॉ. मनोहरराय सरदेसाय
हांच्या जिवन चरित्र पुस्तिकेचें लोकार्पण जातलें.
हे कार्यावळीक सगळ्यांनी व्हडा संख्येन हाजीर रावचें असो उलो अध्यक्ष अरुण साखरदांडे आनी सचीव मेघना शेटगांवकार हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
