भांगरभूंय | प्रतिनिधी
उरुग्वेन इटली पंगडाक 1-0 हारोवन पयले खेपे 20 वर्सां पिराये सकयली संवसारीक फुटबॉल सर्त जिखली. तशेंच वस्तादपणाचेर युरोपाचो आशिल्लो शेक लेगीत उरुग्वेन मोडून काडलो. फाटल्यो सेगीत चार सर्त युरोपांतल्यान पंगडांनी जिखिल्ल्यो.
मॅचींतलो एकोडो आनी म्हत्वाचो गोल 86व्या मिनटाक लुसियानो रॉड्रिगिशान केलो. दिएगो माराडोना स्टेडियमाचेर चडशे उरुग्वे पंगडाचे समर्थक आशिल्ले.
सर्त सुरू जावचे पयलीं उरुग्वे आनी इटली दोनूय पंगड वस्तादपणाचे मुखेल दावेदार नाशिल्ले. उरुग्वे हाचे पयलीं दोन खेपे म्हणल्यार 1997 आनी 2013चे फायनलींत पाविल्लो. पूण, दोनूय खेपे ताका उप वस्तादपणाचेर समाधान मानचें पडिल्लें. दक्षीण अमेरिके वतीन निमाणे खेपे 2011त ब्राझिलान वस्तादपण जोडिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
