भांगरभूंय | प्रतिनिधी
भांगरभूंय। प्रतिनिधी
फोंडेंः बेतकी- खांडोळे हांगा पत्र्याचे शेडीर झाड पडून जाल्ल्या अपघातांत मरण आयिल्ल्या अंजली अमित वाडकार (36) आनी तिगेलो चलो भावेश वाडकार (9) हाचे कुडीचेर सोमाराक दनपारां थळावे मसंडभुंयेत निमणे संस्कार केले. हे घडणुकेक लागून गांवांत लोक हळहळ उक्तायतात.
आयतारा सांजे वारें आनी पावसाक लागून वाडकार हांच्या घरा कडेन आशिल्लें झाड मोडून पत्राचे शेडीर पडलें आनी अंजली आनी भावेशाचे तकलेक गंभीर दुखापत जाली. बेतकीच्या भलायकी केंद्रांत तांकां उपचारा खातीर व्हेलें मात ताचे पयलीं तांकां मरण आयिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
