भांगरभूंय | प्रतिनिधी
भांगरभूंय । प्रतिनिधी
पर्वरीः केंद्रांतलें मोदी सरकार फाटल्या णव वर्सां सावन लोक कल्याणा खातीर वावुरत आसा. सगळ्या मळार देशाक आत्मनिर्भर करप ही पंतप्रधान नरेंद्र मोदी हांची मोख आसा अशें गोंयचे भाजप प्रभारी आनी कर्नाटकाचे आदले मंत्री सीटी रवी हाणे सांगलें. स्टार्ट अप वरवी केंद्र सरकारान उद्देग- धंद्यांक बळीश्ट केलां, कृशी उत्पादनाक उर्बां दिवपा खातीर शेतकारां खातीर तरेकवार येवजण्यो चालीक लायल्यात अशें रवी हाणे सुकूर हांगा श्री वेताळ महारुद्र संस्थानांत भाजपाच्या संपर्क अभियानांत उलयतना सांगलें.
कार्यावळीक पर्यटन मंत्री रोहन खवंटे, प्रदेश भाजपा अध्यक्ष सदानंद शेट तानावडे, भाजपच्या पर्वरी मंडळाचो अध्यक्ष किशोर अस्नोडकार, पर्वरी मतदारसंघातले सरपंच, पंच आनी जिल्हो पंचायत वांगडी हाजीर आशिल्ले. खवंटेन मोदी सरकाराच्या कामाची तुस्त केली. मोदी सरकाराच्या णव वर्सांतल्या कामगिरीक लागून भारत सध्या संवसारांतली एक व्हड अर्थीक शक्ती थारल्या अशें ताणे सांगलें.
सीटी रवी हांणी पर्वरी मतदारसंघांतल्या कांय घरांत मंत्री रोहन खवंटे, तानावडे हांच्या वांगडा भेट दिली आनी मोदी सरकाराच्या णव वर्सांच्या कामगिरीचो नियाळ आशिल्ली पुस्तिका ताणी लोकांक दिली. देशाची उदरगत विनाखंड जावपा खातीर केंद्रांत परत मोदी सरकार परत सत्तेर येवपाची गरज आसा अशे रवी हाणे लोकांक सांगलें,
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
