भांगरभूंय | प्रतिनिधी
मंत्री काब्राल: होडार कुडचडेंच्या पुलाच्या पयल्या टप्प्याच्या कामाचो शुभारंभ
केपें : 19 डिसेंबर मेरेन होडार कुडचडेंच्या पुलाचें दुसर्या टप्प्याचें काम पुराय करतले. लोकांनी जो आपल्याचेर आयज मेरेन विस्वास दवरला ताका वेर वचपाक दिवचों ना. अशींच कामां करीत रावतलों अशें भौशीक बांदकाम खात्याचें मंत्री निलेश काब्राल हांणी सांगलें.
ते होडार कुडचडें हांगच्या पुलाच्या पयल्या टप्प्याच्या कामाचो शुभारंभ केल्या उपरांत उलयताले. ह्या वेळार तांचे वांगडा जिल्हो पंचायत वांगडी सिध्दार्थ गांवस देसाय, कुडचडें उप नगराध्यक्ष रूचा वस्त, नगरसेवक प्रदीप नायक, विश्वास सावत देसाय, टोनी, प्रसन्ना भेडे, असोल्डा सरपंच किस्तोदियो फेर्नांडीस, कविता गांवस देसाय आनी हेर हाजीर आशिल्ले.
हो प्रकल्प 20 कोटींचो आशिल्ल्यान तो नवे टॅक्नोलॉजी वरवीं बांदला. डिसेंबर मेरेन फोर लेन पूल पुराय करतले, अशें मंत्री काब्राल हांणी सांगलें.
टिका करपी फकत टिकाच करपाक उरतले. कुडचडें हॉस्पिटलाचेंय काम पुराय जालां. टिकाकार स्वताच्या वॉर्डांत काम करिनात. पूण दुसर्यांची टिका करतात. तांकां टिका करुंदी आमी आमचें काम करुया अशें काब्राल हांणी म्हणलें.
फाटल्या कितल्याशाच वर्सां सावन ह्या पंचायत वाठारांतले नागरीक नव्या पुलाची मागणी करताले. आयज तांची मागणी पुराय जातना खोस भोगता. दुसर्याय टप्प्याचें काम बेगीनूच पुराय जातलें, अशें सिध्दार्थ गांवस देसाय हांणी म्हणलें.
किस्तोदियो फेर्नांडीस हांणीय ह्या वेळार आपले विचार मांडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
