भांगरभूंय | प्रतिनिधी
खबरां संस्था
नवी दिल्लीः आशिया करंड 2023 संबंदी बरोच वेळ पेंच जाल्लो. ही सर्त खंयच्या देशांत जातली हें स्पश्ट जावंक नाशिल्लें. मात आतां सामकार आयिल्ल्या अहवालांत एक खुलासो जाला. ते प्रमाण आशिया करंड क्रिकेट सर्तीचें येजमान पाकिस्तान आनी श्रीलंका आसतले. सर्ती खातीर पाकिस्तानात प्रस्तावीत केल्ल्या हायब्रीड मॉडेलाक लेगीत मान्यताय दितले आनी आशियाई क्रिकेट परिशदे कडल्यान (एसीसी) 13 जूनाक ते संबंदीची अधिकृत घोशणा जावपाक शकता.
आशिया करंड 2023 खंय खेळोवपाची हाचेर बरोच वेळ चर्चा सुरू आशिल्ली. आंतरराष्ट्रीय क्रिकेट परिशदेचे मुखेली जय शाह रोखडचो पाकिस्तानाचो हायब्रीड मॉडेल स्विकारपाक शकतात. सर्तीतल्यो सगळ्यो मॅची भारत सोडून पाकिस्तानांत खेळयतले. भारत आनी पाकिस्तान हाचे मदल्यो मॅची श्रीलंकेंत जातले. पाकिस्तान वन-डे वर्ल्ड कपा खातीर भारतांय येतलो आनी अहमदाबादच्या नरेंद्र मोदी स्टेडियमाचेर खेळपाक तांकां आडमेळे आसचे ना अशें सामकार आयलां.
एसीसी वांगडा आनी ओमान क्रिकेटचे मुखेली पंकज खिमजी हाणे येजमानपदाचो प्रश्न सुटावो केला.. भारताचे सोडून हेर मॅची पाकिस्तानांत जातल्यो. नेपाळ, बांगलादेश, अफगाणिस्तान, श्रीलंका हाच्यो मॅची लाहोराच्या गद्दाफी स्टेडियमाचेर जातल्यो. भारत आनी पाकिस्तानाच्यो मॅची श्रीलंकेत गाले व पल्लेकेले हांग्या जातल्यो.
मीडिया खबरे प्रमाण आयसीसीचो सीईओ ज्योफ अल्लार्डिस आनी चॅरमन ग्रेग बार्कले पीसीबीचे चॅरमन नजम सेठी हांची भेट घेवपा खातीर कराचींत गेल्ले कडेन भारतांत जावपी वन-डे वर्ल्ड कपात खेळपा खातीर पाकिस्तानात कसलीच अट दवोरचो ना, असो निर्णय जालो. आशिया करंड क्रिकेट पाकिस्तानांत आयोजीत करतले. हे सर्तीच्या येजमानपदाचो अधिकारी पीसीबी कडेन आसा. एसीसीच्या एका वांगड्यान नांव उक्ते करप ना हे अटीचेर उलयतना ओमान क्रिकेट बोर्डाचे मुखेली पंकज खिमजीन एसीसी कार्यकारी मंडळाचो एक वांगडी आसा. चडश्या देशांक हायब्रीड मॉडेल नाका जाल्यार ताचेर तोडगो काडपा खातीर तांका नियुक्त केल्लें. लाहोरांत पाकिस्ताना आड नेपाळ, बांगलादेश, अफगाणिस्तान, श्रीलंका हाच्यो मॅची जातल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
