भांगरभूंय | प्रतिनिधी
मुळगांवच्या ज्ञानप्रसारक माध्यमिकाची जनजागृती
भांगरभूंय । प्रतिनिधी
वाळपयः प्लास्टीक प्रदुशणाक लागून आमचें पर्यावरण पेड्डेर जायत चल्लां. ताचो मनशांचे भलायकेचेर, पर्यायान आमच्या आयुश्याचेर वायट परिणाम जातात. हाची जाणीव दवरून दिसपट्टो जावपी हिसपा भायर प्लास्टीक वापराचेर निर्बंध येवपाक जाय. हो संदेश दिवन मुळगांव अस्नोडेंच्या ज्ञानप्रकाश उच्च माध्यमीक विद्यालया वतीन पर्यावरण दिसा निमतान अस्नोडें बाजारांतल्या दुकानकारांक कपड्याच्यो पोतयो वाटल्यो. ह्यो पोतयो राष्ट्रीय सेवा येवजण (एनएसएस) स्वयंसेवक विद्यार्थ्यांनी पोरण्या जाल्ल्या कपड्यांच्यो स्वता शिंविल्ल्यो.
सुरवेक प्राचार्य लक्ष्मीकांत परब तशेंच हेर सगळ्या सहकारी शिक्षकांक पोतयो दिल्यो. ‘प्लास्टीकाचो वापर टाळात, प्रदुशणाक आळाबंद घालात’ हो संदेश दीत एनएसएस विभागाच्या विद्यार्थ्यांनी रॅली काडली. दुकानकारांक पोतयो दिवन तांकां कपड्यांच्या पोतयांचें म्हत्व सांगलें. तेचवांगडा प्लास्टीकच्या अतिरिक्त वापरान पर्यावरणाचें कशें लुकसाण जाता ते विशीं म्हायती दिली.
एनएसएस विभागाची कार्यावळ अधिकारी पौर्णिमा केरकार आनी स्नेहल पाडलोस्कार हांणी हे कार्यावळीचें आयोजन केल्लें. ह्या वेळार प्रा. जयराम केरकार, प्रा. नरेंद्र नायक, प्रा. दयानंद कुंभार, प्रा. शिवानंद हिरोजी, प्रा. धीरज मातोंडकार हे शिक्षक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
