भांगरभूंय | प्रतिनिधी
भांगरभूंय । प्रतिनिधी
काणकोणः आधारकार्डांत दुरुस्ती करून घेवपा खातीर काणकोणच्या लोकांक जायत्या समस्यांक तोंड दिवचें पडटा. ते खातीर तालुको पांवड्यार खासा शिबिरां घेवन ही समस्या सुटावी करची अशी तांची मागणी आसा.
सध्या चावडी हांगच्या सामाजीक भलायकी केंद्रांत दर बिरेस्तारा ही सेवा दितात. मात थंय जे कर्मचारी आसात ते दिसाक फकत 10 ते 12 कार्डाची दुरुस्ती करतात. दुरुस्ती कामा खातीर तीन म्हयने पयलीं नोंदणी करची पडटा. टपाल कार्यालयांत आधारकार्ड दुरुस्तीची जापसालदारी दिल्या मात थंय जाय त्यो सुविधा मेळनात.
लोकांक जे तरेचे त्रास जाता ताका लागून आधारकार्ड दुरुस्ती खातीर शिबिरां आयोजीत करपाची गरज उप्रासल्या. दुरुस्ती खातीर लागपी साधन सामुग्री नावेली, सांगे सामाजीक भलायकी केंद्रा, जिल्होधिकारी कार्यालयांत आसा. ताचो वापर करून मेगा शिबीर आयोजीत करचीं, सगल्या केंद्रांतली सामुग्री एकठांय करून कामाक सुरवात केल्यार दिसाक 500 कार्डांची दुरुस्ती करप शक्य आसा अशें लोकांचें म्हणणे आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
