भांगरभूंय | प्रतिनिधी
भांगरभूंय । खबरां मेज
पणजीः भाजपाच्या संपर्क से समर्थन हे लोक संपर्क कार्यावळी खाला कला आनी संस्कृती मंत्री गोविंद गावडे हांणे कुमारजुवें मतदारसंघांतल्या करमळी गांवांतल्या घरांनी वचून लोकांची भेट घेतली. पंतप्रधान नरेंद्र मोदी हांच्या फुडारपणा खाला देशांत वेगवेगळ्या मळार घडोवन हाडिल्ली क्रांती सामकार दवोरून येता त्या लोकसभा वेंचणुकेंत ताकां परत एक फावट देशाचो कारभार चलोवपाक दिवपाक जाय अशें गावडेन लोकांक सांगलें.
करमळी गांव भोंवडे वेळार गावडे हांच्या वांगडा कुमाजुवें मतदारसंघाचो आमदार राजेश फळदेसाय नाशिल्लो. मात उत्तर गोंय जिल्हो पंचायत अध्यक्ष सिद्धेश नायक, जयेश नायक, कुमारजुवें भाजप मंडळ अध्यक्ष चंदन वरगांवकार आशिल्लो. करमळेच्या भाजपाच्या जेश्ठ कार्यकर्त्यांच्या घरा वचून केंद्रातल्या मोदी सरकारान फाटल्या णव वर्सांत केल्ल्या वावराची तांणी म्हायती दिली.
पंतप्रधान नरेंद मोदी हांका देशाची सेवा करपा खातीर ताकां सहकार्य करप आनी एकसंध रावून पक्षाची वाड व्हडा प्रमाणांत कशी जातली हाचे कडेन सगळ्यांनी लक्ष दिवपाक जाय अशें गावडेन सांगलें. ह्या वेळार जिल्हो पंचायत वांगडी धाकू मडकयकार, कुमारजुवें मतदारसंघाचो प्रभारी गिरीश उसकयकार, भाजप मंडळ उपाध्यक्ष डॉ विनोद वेरेकार, सचीव शिवा नायक, करमळीची उपसरपंच रेश्मा मुरगांवकार, पंच वांगडी जयेश नायक, राजेंद्र नार्वेकार, रोहिदास दिवाडकार, रंगनाथ खोलकार, अन्नपूर्णा शिरोडकार, शुभदा कुंडयकार, प्रताप नायक, आनंद भोमकार, उल्हास करमळकार आनी हेर वावुरपी आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
